無聊（一）
男人鐘意蠢ge女人?
間唔中會聽到．．．有人話男人鐘意蠢ｄ女仔，唔鐘意太聰明ｇｅ女仔

於是乎有日...好無聊咁，就諗左一諗呢個問題
然後又好快咁比左自己答案，當然可能個答案係錯
粹純無聊，ａｒｍ哂個ｂｌｏｇ名

男人鐘意蠢ｄ　ｇｅ女人，蠢係咩意思？作為一個男仔
相信無人會話蠢ｇｅ意思係智商低
換句話講，之係唔會有女仔因為係弱智，所以會更得男仔歡心
我估，蠢ｇｅ意思係－－容易比人呃，所謂ge「人」之係(and只係)自己（作為男朋友／丈夫）

如果有日，個老婆返到屋企，話：老公～我今日係女人街買左隻錶好抵架！個老闆話隻錶識得播ｍｐ３，可以睇戲，仲識得占卜運程同分析股市走勢ｔｉｍ，只係賣五萬蚊ｏｎｌｙ！我見到咁抵即刻買左返黎呀！好開心！

如果我係佢老公，唔即刻比佢激死，個心都「赤住赤住」ｌａ，我諗天下間無咩老公聽到個老婆咁講，會因此更加愛佢（無鬧交或者激死都算偷笑）

相反，如果女朋友係中午二時正打電話比男友，約佢四點去旺角ｓｈｏｐｐｉｎｇ
個男友本身打緊三國志１１，仲要心諗，大姐，我都唔明點解女仔咁鐘意行街
又熱又焗又要同人逼，仲要你就睇得開心，我就悶到抽筋，一個唔好彩可能仲要我比錢ｔｉｍ
於是就話：唔好意思呀老婆仔，我過兩日有測驗，ｅ＋要溫中史呀！雖然我恨不得即刻飛出黎見你，但老母又逼我溫書，話考得差就罰我唔準出街，唔比出街咪好耐都見你唔到ｌｏｒ！所以為左你，今日唔得住呀！我真係好想見你架ｈｏｎｅｌｙ．．．（下刪五百字謊言＋肉麻字眼）

最後，個女友又真係信個男友講ｗｏｒ，相信男仔會鐘意ｄ咁ｇｅ女友，易呃，仲要只係準比自己呃

而蠢ｇｅ另一個意思係，個男仔識某ｄ野，而個女仔唔識，於是個男仔就懶有學識咁講講講，黎自我滿足一番，會有一種覺得自己好勁ｇｅ虛榮感

例如女仔係ｐｈｙ同數學方面一般比男仔弱，於是男仔教女仔數就會有呢種虛榮感ｌａ

所以另有一句：聰明ｇｅ女人識得扮蠢
我諗就係話，明明知道個男仔講大話，但係又唔會踢爆人；明明學識仲豐富過男仔，但扮哂乜都唔識，要個男仔教佢